WORLDSKILLS- 2013 IN LEIPZIG

---

 

WorldSkills - Мэргэжлийн ур чадварын дэлхийн аварга шалгаруулах 42 дахь удаагийн тэмцээн ХБНГУ-ын Канцлер хатагтай Ангела Меркэлийн ивээл дор ХБНГУ-ын Чөлөөт Заксон муж улсын Лайпциг хотноо 2013.07.02-ноос 06-ны өдрүүдэд амжилттай зохион байгуулагдав.Уг тэмцээн нь 22 хүртэлх насны мэргэжлийн боловсрол эзэмшиж буй болоод эзэмшсэн залуучуудын дунд хоёр жил тутам зохион байгууллагддаг мэргэжлийн боловсролын дэлхийн хамгийн том арга хэмжээ хийгээд „WorldSkills Leipzig 2013“ тэмцээн нь 40 жилийн дараа Герман улсад хоёр удаагаа явагдлаа.Уг тэмцээнд 53 орны 1000 гаруй залуус 46 мэргэжлийн төрлөөр мэдлэг ур чадвараараа өрсөлдөж 205.000 гадаад, дотоодын  төлөөлөгчид, сонирхогчид зочилсон.

Тэмцээнд Өмнөд Солонгос (нийт 23 медаль, үүнээс 12 алт), Хятадын Тайван (18) болон Швейцарын (17) өрсөлдөгчид дээд үзүүлэлт гаргав. Манай улсаас Хөдөлмөрийн яамны Мэргэжлийн боловсролын бодлого, зохицуулалтын газрын дарга Д.Жадамбаар ахлуулсан 30 гаруй хүний бие бүрэлдэхүүн бүхий төлөөлөл Холбооны Эдийн Засгийн Хамтын Ажиллагаа, Хөгжлийн яамны урилгаар Германы Олон Улсын Хамтын Ажиллагааны Нийгэмлэгээс манай улсад хэрэгжиж буй  „Ашигт малтмалын салбар дахь түншлэлд суурилсан мэргэжлийн боловсрол, сургалт“ төслийн хүрээнд Лайпцигийг зорин анх удаа мэргэжлийн ур чадварын дэлхийн аварга шалгаруулах тэмцээн, түүнийг зохион байгуулагч „Worldskills International“  байгууллагын үйл ажиллагаатай танилцлаа.

 „Worldskills International“   нь 60 жилийн түүх, туршлага бүхий Амстердам хотноо төвтэй, одоогоор дэлхийн 68 орныг эгнээндээ нэгтгэсэн,  дэлхий дахинаа мэргэжлийн боловсролын чанар, стандартыг дээшлүүлэх эрхэм зорилго агуулсан ашгийн болон төрийн бус байгууллага юм.

 „Worldskills International“  байгууллагын ерөнхийлөгч ноён Саймон Бартли манай төлөөлөгчидтэй уулзах үеэр Монгол Улс тус байгууллагын гишүүн болох улмаар 2015 онд Бразил улсын нийслэлд болох дараагийн WorldSkills тэмцээнд өрсөлдөгчөөр оролцох хүсэлтэй байгаагаа илэрхийллээ.

Манай улсаас оролцсон төлөөлөгчдийн бүрэлдэхүүнд мэргэжлийн боловсролын салбарын болон шууд бус байдлаар тухайн салбартай холбоотой төрийн болон төрийн бус байгууллагынхан оролцож германы дэлхий дахинаа нэгэнт шалгарсан мэргэжлийн боловсролын хосолсон тогтолцоотой  танилцаж туршлага судлав. Үүний зэрэгцээ олон улсын түвшинд манай улсын мэргэжлийн боловсролын салбарын хөгжил хаа явааг жишин дүгнэлт хийв.

    Тэмцээний  дүн

	Мэргэжил	АЛТ	МӨНГӨ	ХҮРЭЛ
1	Полимеханик/ Автоматжуулалт	Бразил	Герман Солонгос Швейцар
2	Мэдээлэлийн сүлжээний техник	Япон	Сингапур	Солонгос
3	Үйлдвэрлэлийн техник /багаар /	Солонгос	Япон	Голланд
4	Мехатроник	Бразил	Хятад-Тайвань Норвеги	Герман
5	CAD(Computer Aided Design)-зохион бүтээгч	Швейцар	Солонгос Бразил
6	CNC (Computerized Numerical Control) токар	Тайланд	Солонгос	Япон
7	CNC фрезэр	Солонгос Бразил		Хятад Швейцар
8	Чулуучин	Австри	Франц Их Британи Япон
9	Аж ахуйн нэгжид зориулсан мэдээллийн техникийн программ хангамжийн шийдлүүд / IT Software Solutions for Business	Солонгос	Сингапур Бразил Швейцар
10	Гагнуур	Солонгос	Америк Бразил	Австрали
11	Хэвлэлийн техник	Швейцар	Герман	Хятад
12	Плита наагч	Герман Швейцар Австри		Франц
13	Автомашины гадна эд ангийн засвар	Япон	Хятад-Тайвань	Швейцар Их Британи Герман
14	Нисэх онгоцны засвар	Ирланд	Швед Шинэ Зиланд	Их Британи Финнлянд
15	Сан, халаалтын техник угсралт	Ирланд Австри Итали		Солонгос
16	Цахилгаан / Electronics	Хятад-Тайван Швейцар		Япон Солонгос
17	Webdesign	Солонгос	Хятад-Макао	Иран
18	Цахилгаан угсралт /Electrical Installations	Япон Швейцар		Солонгос Швед Их Британи